Qeveria e Kosovës miratoi draft-buxhetin për vitin 2019

10:13 | 26 Tetor 2018
Arbresh.info

Draft-buxheti i Kosovës është miratuar në mbledhjen e qeverisë së Kosovës.

Sipas ministrit të Financave, Bedri Hamza të hyrat buxhetore për vitin e ardhshëm pritet të jenë afër 1 miliardë euro e gjysmë.

“Procesi i përgatitjes së këtij draft-buxheti ka filluar në maj të këtij viti. Mendoj se ky draftbuxhet propozon shpërndarje të drejte të buxhetit.Politikat tatimore do te jenë mbështetes të sektorit privat. Ne presim që në vitin 2019 të hyrat të jenë rreth 1 milard e 490 milionë”, tha Hamza.

Sipas Hamzës subvencionet dhe transferet do të rriten për 16 përqind dhe për herë të parë mbështeten me 15 milionë euro edhe ligji për Prishtinën e Obiliqin.

Ai shtoi se për sektorin e shëndëtësisë është propozuar të kete rritje për 18 përqind apo buxheti për 2019 në shëndetësi do të jetë 234 milionë euro.

Në anën tjetër, kryeminsitri Ramush Haradinaj tha se buxheti për 2019, “mundemi me ju thanë që janë respektu prioritet qe i kemi si qeveri, si mbrojtja, rendi, gjyqësori e pensionet”.

Shpërndaje në rrjete sociale

Lajmet më të lexuara

Të ngjashme

Foto lajm